endorphins—(安多芬，腦內嗎啡)：又稱「opioid peptides」「endogenous morphines」(內生性嗎啡) ；身體所產生的一種化學物質，由疼痛、壓力、情緒的刺激而產生，能調節腦下腺荷爾蒙(pituitary hormones)的分泌，調節免疫系統細胞，例如淋巴細胞、抗體產生細胞、自然殺手細胞，具有類似嗎啡(morphine)的結構與作用，止痛效果比嗎啡強50-100倍，原理是抑制神經細胞釋放P物質，P物質傳導疼痛相關的脈沖至中樞神經；運動與某些食物能刺激腦部產生安多芬，進而造成近似嗎啡作用的舒適感；身體對嗎啡等麻醉性止痛藥會產生依賴與適應性，原因被認為是嗎啡能抑制身體安多芬的產生，停止使用嗎啡後，身體因缺少安多芬而造成不適的斷除徵狀。
https://baike.baidu.com/item/胺多酚/6916912
多巴胺同安多酚聽就一定聽過，都係一種腦分泌，甚至有人以為多巴胺同安多酚係同一樣嘢，人之所以會感到愉悅、開心快樂同呢兩樣嘢都離唔開關係，但佢地又確實唔係同一樣野，當然，如果用科學角度探討，可能你睇睇下都瞓著，人嘅大腦結構複雜，就算經過專家長時間嘅研究分析，始終都唔可以完全掌握，本文以唔同例子，同你一齊認識多巴胺與安多酚，適量嘅快樂因子會令人愉悅，過量的話會導致上癮行為，所以佢地唔單止係令你開心嘅嘢，同你嘅健康亦係息息相關，一齊了解下人生快樂哲學！
多巴胺係乜嘢？
簡義上，多巴胺可以講係一種推動力，令你好有衝勁好有衝動去做某一樣野，你可以響做嘅過程中產生開心同愉悅；安多酚比較似一種獎勵補償機制，一般由腦內受到刺激而分泌，安多酚又稱為腦內嗎啡，提供鎮痛、紓壓的效果，綜合嚟講，腦海中曾對某一樣接收過愉悅快樂嘅訊息時，再接觸時個腦會分泌多巴胺，令你為左呢份愉悅感去做某一件事，安多酚通常係做完某啲事後產生，而做嘅果件事大多數唔係由多巴胺推動你做，睇到呢度都未係好明？下文會有例子解釋多巴胺同安多芬運作，睇完你就會明。
簡單舉一個例子，點解小朋友一聽到去公園就未出發先興奮？因為佢腦海中會聯想到上次響公園玩嘅開心感覺，個腦會開始釋出多巴胺，然後響公園可以連續玩4、5個鐘頭，期間可以唔飲唔食，甚至阿媽都嚟關心佢佢都唔走，亦因為響玩嘅途中多巴胺不斷分泌，小朋友不斷浸淫響開心愉快嘅感覺中，當然唔想走啦。又好似你置身一個派對聚會，同朋友相處談笑風生，腦部會釋出多巴胺，派對中享用Kama Delivery嘅美食到會嘅時候，多巴胺亦會不斷釋出，當然，呢樣野係睇你鍾意啲咩，例如你唔喜歡交際，腦海中對於派對聚會就唔會釋出多巴胺，你可能去都唔會去，所以，只要你鍾意果樣嘢，多巴胺就會推動你去做，而你為嘅係令多巴胺不斷釋出，等你可以保持開心快樂嘅感覺。
多巴胺的釋出
安多酚的釋出
安多酚同多巴胺有咩唔同？有研究指出，安多酚可以透過做運動釋出，尤其長跑運動員都知道「跑者高潮」Runner’s high，跑步帶來的疲憊同酸痛會響運動一段時間後，因為安多酚嘅釋出一掃而空，精力充沛，安多酚同多巴胺唔同，有跑者係為咗享受呢份「跑者高潮」帶嚟嘅幸福感而跑，跑步本身過程中唔係一件特別開心嘅事，但可惜嘅係，要達到「跑者高潮」並無標準，因人而異。另一個例子，大家都有聽過寒窗苦讀，可見讀書過程自古以嚟都唔係咩開心事，但仍然有好多人堅持努力讀書，古代為嘅係高中狀元，光宗耀祖，高中一刻，感受嘅果份滿足感、自豪感、成就感，全部嚟自安多酚。極端例子係被虐狂，前文提及安多酚比較似獎勵補償機制，被虐狂享受嘅唔係被虐待過程，係被虐待後果份由安多酚帶嚟嘅補償。
多巴胺、安多酚如何成癮？
多巴胺成癮，而家常見網癮、手機、電競遊戲，有人可以連續打機三日三夜，或者每晚睇碌Facebook、碌IG、睇網絡短片睇到天光，都係因為呢啲行為可以釋出多巴胺，大腦對愉悅行為都有耐受性，本身可能打機睇片一兩個鐘，大腦已經有相當愉悅感，但持續一段時間後，大腦需要更多多巴胺先可以獲得相同的愉悅感，導致上癮者不眠不休，影響身心健康。跟煙、酒、甚至毒品一樣，大腦對於呢啲嘢一樣有耐受性，所以煙癮、酒癮及毒癮只會不斷加深，用量不斷增加，毒品傷害更大，吸食毒品會引致腦部大量釋出多巴胺，所以藥效過後，吸食毒品者會墜入極端空虛，無法自拔甚至影響正常生活。唯一方法係用你嘅自律性，控制對多巴胺嘅追求。
安多酚成癮同樣會帶來危險，好多長跑者為感受「跑者高潮」，會每天一直跑一直跑，直到感受到被安多酚撫慰的時刻，容易做成體力透支，更有中暑及休克等風險，更貼切嘅例子出現喺眾多學生身上，求學求分數，分數高對於學生嚟講本身意義不大，只係量度自己對學科嘅理解透徹程度，安多酚嘅出現係旁人嘅讚美及獎勵，維持用優異嘅學業成績唔令父母失望，亦係一種安多酚釋出嘅珍貴成就感，呢種對安多酚嘅追求將學習原意本末倒置，慢慢變成壓力，一旦失手，有機會失去求學嘅興趣，影響深遠。安多酚帶嚟愉悅感之餘，亦包括成就感、滿足感、認同感，同多巴胺嘅最大分別係，呢種愉悅感衝擊感大，持續時間短，過份追求同樣影響心智，所以追求進步嘅同時，量力而為更加重要。
激發多巴胺、安多酚
坊間都有好多方法可以有效激發多巴胺同安多酚嘅釋出，例如聽音樂，網上有聲稱對多巴胺同安多酚釋放嘅音樂，有興趣可以搵黎聽下，另外透過經絡按摩、打坐冥想、香薰精油都有各自嘅功效，對於小朋友更加要訂立規矩，好奇心驅使下，小朋友對於好多嘢產生興趣，有規有矩可以避免佢地沉迷，亦可訓練自律性。
求開心邊個唔想，好似屯門紅人Happy伯年紀有返咁上下，對多巴胺追求嘅熱情仍然熾熱，但適可而止，量力而為先係健康之道，好似食甜嘢食果時梗係開心，唔節制嘅後果係蛀牙、肥胖、糖尿等，香港人生活節奏急促，鬆一鬆無可厚非，知己良朋得閒開下叭聚下，配合埋Kama Delivery嘅美食到會服務，邊玩邊食，身心大滿足，開心之餘又唔上癮，又唔傷身，仲老少咸宜添！
